ಅಕ್ಕಿ ರೊಟ್ಟಿ ರೆಸಿಪಿ | akki roti in kannada | ಮಸಾಲ ಅಕ್ಕಿ ರೊಟ್ಟಿ

ಅಕ್ಕಿ ರೊಟ್ಟಿ ಪಾಕವಿಧಾನ | ಮಸಾಲ ಅಕ್ಕಿ ರೊಟ್ಟಿ ಪಾಕವಿಧಾನ | ಅಕ್ಕಿ ಹಿಟ್ಟಿನ ರೊಟ್ಟಿ ವಿವರವಾದ ಫೋಟೋ ಮತ್ತು ವಿಡಿಯೋ ಪಾಕವಿಧಾನ. ಅಕ್ಕಿ ರೊಟ್ಟಿಯು ಸಾಂಪ್ರದಾಯಿಕ ಮತ್ತು ಜನಪ್ರಿಯ ದಕ್ಷಿಣ ಭಾರತೀಯ ಅಥವಾ ಕರ್ನಾಟಕದ ಪಾಕಪದ್ಧತಿಯಾಗಿದೆ. ಇದನ್ನು ಸಾಮಾನ್ಯವಾಗಿ ಬೆಳಗಿನ ಉಪಾಹಾರಕ್ಕಾಗಿ ಮಸಾಲೆಯುಕ್ತ ಕೆಂಪು ಚಟ್ನಿ ಅಥವಾ ತೆಂಗಿನಕಾಯಿ ಚಟ್ನಿಯೊಂದಿಗೆ ನೀಡಲಾಗುತ್ತದೆ. ಸಾಮಾನ್ಯವಾಗಿ, ಇದನ್ನು ಅಕ್ಕಿ ಹಿಟ್ಟಿನಿಂದ ತಯಾರಿಸಲಾಗುತ್ತದೆ, ಆದರೆ ಉಳಿದ ಅನ್ನ ಮತ್ತು ಇಡ್ಲಿ ರವೆಯಿಂದ ಕೂಡ ತಯಾರಿಸಬಹುದು.

ಅಕ್ಕಿ ರೊಟ್ಟಿ ಪಾಕವಿಧಾನ | ಅಕ್ಕಿ ಹಿಟ್ಟಿನ ರೊಟ್ಟಿ ಹಂತ ಹಂತದ ಫೋಟೋ ಮತ್ತು ವಿಡಿಯೋ ಪಾಕವಿಧಾನ. ಕರ್ನಾಟಕ ಆಧಾರಿತ ಪಾಕವಿಧಾನಗಳು ಸಾಮಾನ್ಯವಾಗಿ ಆರೋಗ್ಯಕರ ಉಪಾಹಾರಗಳಿಗೆ ಹೆಸರುವಾಸಿಯಾಗಿದೆ. ಇವುಗಳಲ್ಲಿ ಇಡ್ಲಿ ಮತ್ತು ದೋಸೆ ಪಾಕವಿಧಾನಗಳು ಹೆಚ್ಚಾಗಿವೆ. ಇವುಗಳನ್ನು ಅಕ್ಕಿ ಮತ್ತು ಉದ್ದಿನ ಬೀಳೆಯ ಸಂಯೋಜನೆಯಿಂದ ತಯಾರಿಸಲಾಗುತ್ತದೆ. ಆದರೆ ಇತರ ಕೆಲವು ಸರಳ ರೊಟ್ಟಿ ಆಧಾರಿತ ಪಾಕವಿಧಾನಗಳಿವೆ. ಇವುಗಳಲ್ಲಿ  ಅಕ್ಕಿ ರೊಟ್ಟಿಯು ಸುಲಭ ಮತ್ತು ಸರಳ ಉಪಹಾರ ಪಾಕವಿಧಾನಗಳಲ್ಲಿ ಒಂದಾಗಿದೆ.

ನಾನು ಈ ಹಿಂದೆ ಬ್ಲಾಗ್ ಅನ್ನು ಪ್ರಾರಂಭಿಸುವಾಗಲೇ ಅಕ್ಕಿ ರೊಟ್ಟಿಯ ಈ ಪಾಕವಿಧಾನವನ್ನು ಪೋಸ್ಟ್ ಮಾಡಿದ್ದೇನೆ. ಇದು ನನ್ನ ಓದುಗರಲ್ಲಿ ಜನಪ್ರಿಯ ಪಾಕವಿಧಾನಗಳಲ್ಲಿ ಒಂದಾಗಿದೆ. ಆಗ ನಾನು ಈ ಪಾಕವಿಧಾನವನ್ನು ಪೋಸ್ಟ್ ಮಾಡಿದಾಗ, ನಾನು ಸಬ್ಬಸಿಗೆ ಸೊಪ್ಪು ಉಪಯೋಗ ಮಾಡದೇ ಪೋಸ್ಟ್ ಮಾಡಿದ್ದೇನೆ. ಇದು ಬಹುಶಃ ಈ ಪಾಕವಿಧಾನದ ಪ್ರಮುಖ ಅಂಶಗಳಲ್ಲಿ ಒಂದಾಗಿದೆ, ಆದರೆ ಆಗ ನನಗೆ ಸಬ್ಬಸಿಗೆ ಸೊಪ್ಪು ಇಲ್ಲಿ ದೊರಕಲಿಲ್ಲ. ಆದ್ದರಿಂದ ನಾನು ಆ ಹಳೆಯ ಪೋಸ್ಟ್ ಅನ್ನು ಮರುಪರಿಶೀಲಿಸಲು ಮತ್ತು ಅದನ್ನು ಸರಿಯಾಗಿ ಪೋಸ್ಟ್ ಮಾಡಲು ಯೋಚಿಸಿದೆ. ಇದಲ್ಲದೆ, ಸಬ್ಬಸಿಗೆ ಎಲೆಗಳನ್ನು ರೊಟ್ಟಿಗೆ ಸೇರಿಸುವ ಬಗ್ಗೆ ನಾನು ಹಲವಾರು ಸಂದೇಶಗಳನ್ನು ಪಡೆಯುತ್ತಿದ್ದೆ. ನಿಜ ಹೇಳಬೇಕೆಂದರೆ, ನಮ್ಮ ಊರಿನಲ್ಲಿ ನಾವು ಇದನ್ನು ಸೇರಿಸುವುದಿಲ್ಲ ಮತ್ತು ಅದು ನಮಗೆ ಒಂದು ಆಯ್ಕೆಯಾಗಿದೆ. ಆದಾಗ್ಯೂ, ಈ ಎಲೆಗಳನ್ನು ಸೇರಿಸುವ ಮೂಲಕ, ಇದು ಪಾಕವಿಧಾನದ ರುಚಿ ಮತ್ತು ಪರಿಮಳವನ್ನು ಹೆಚ್ಚಿಸುತ್ತದೆ. ಆದ್ದರಿಂದ ನೀವು ಅದನ್ನು ಬಳಸದಿದ್ದರೂ ಅದನ್ನು ಸೇರಿಸಲು ನಾನು ಶಿಫಾರಸು ಮಾಡುತ್ತೇನೆ.

ಇದಲ್ಲದೆ, ಮಸಾಲ ಅಕ್ಕಿ ರೊಟ್ಟಿ ಪಾಕವಿಧಾನಕ್ಕೆ ಕೆಲವು ಸುಲಭ ಮತ್ತು ಪ್ರಮುಖ ಸಲಹೆಗಳು ಮತ್ತು ವ್ಯತ್ಯಾಸಗಳನ್ನು ಸೇರಿಸಲು ನಾನು ಬಯಸುತ್ತೇನೆ. ಮೊದಲನೆಯದಾಗಿ, ಈ ಪಾಕವಿಧಾನಕ್ಕಾಗಿ ಉತ್ತಮವಾದ ಅಕ್ಕಿ ಹಿಟ್ಟನ್ನು ಬಳಸಲು ನಾನು ಹೆಚ್ಚು ಶಿಫಾರಸು ಮಾಡುತ್ತೇವೆ. ಒರಟಾದ ಅಕ್ಕಿ ಹಿಟ್ಟನ್ನು ತಟ್ಟುವ ಮೂಲಕ ಆಕಾರ ಕೊಡಲು ನಿಮಗೆ ಸಾಧ್ಯವಾಗದ ಕಾರಣ ಅದನ್ನು ಬಳಸಬೇಡಿ. ಹಾಗೆಯೇ ಹುರಿಯುವಾಗ ಕೂಡ ಅದು ಒಟ್ಟಿಗೆ ಹಿಡಿಯದೇ ಬಿರುಕುಗಳು ಬರಬಹುದು. ಎರಡನೆಯದಾಗಿ, ಈ ಪಾಕವಿಧಾನಕ್ಕೆ ಸಬ್ಬಸಿಗೆ ಎಲೆಗಳು ಕಡ್ಡಾಯವಾಗಿದೆ, ಆದರೆ ನೀವು ಇದಕ್ಕೆ ಕೊತ್ತಂಬರಿ ಸೊಪ್ಪು ಸೊಪ್ಪು, ಪುದಿನಾ ಎಲೆಗಳಂತಹ ಇತರ ಸೊಪ್ಪುಗಳನ್ನು ಕೂಡ ಸೇರಿಸಬಹುದು. ರೊಟ್ಟಿಯನ್ನು ಹೆಚ್ಚು ರುಚಿಯನ್ನಾಗಿಸಲು ತಾಜಾ ಸೊಪ್ಪುಗಳನ್ನು ಸಾಧ್ಯವಾದಷ್ಟು ಸೇರಿಸಲು ಪ್ರಯತ್ನಿಸಿ. ಕೊನೆಯದಾಗಿ, ನಾವು ಇದಕ್ಕೆ ಸಾಕಷ್ಟು ಮಸಾಲೆ ಮತ್ತು ಸೊಪ್ಪುಗಳನ್ನು ಸೇರಿಸುವುದರಿಂದ, ಅದನ್ನು ಹಾಗೆಯೇ ತಿನ್ನಬಹುದು. ಆದರೆ ಮಸಾಲೆಯುಕ್ತ ಚಟ್ನಿ, ಬೆಳ್ಳುಳ್ಳಿ ಚಟ್ನಿ ಪುಡಿ ಮತ್ತು ತೆಂಗಿನಕಾಯಿ ಚಟ್ನಿಯೊಂದಿಗೆ ಬಡಿಸಿದಾಗ ಇದು ಬಹಳ ರುಚಿಯಾಗಿರುತ್ತದೆ.

ಅಂತಿಮವಾಗಿ, ಅಕ್ಕಿ ರೊಟ್ಟಿ ಪಾಕವಿಧಾನದ ಈ ಪೋಸ್ಟ್‌ನೊಂದಿಗೆ ನನ್ನ ಇತರ ವಿವರವಾದ ಬೆಳಗಿನ ಉಪಾಹಾರ ಪಾಕವಿಧಾನಗಳ ಸಂಗ್ರಹಕ್ಕೆ ಭೇಟಿ ನೀಡುವಂತೆ ನಾನು ವಿನಂತಿಸುತ್ತೇನೆ. ಇದು ಮುಖ್ಯವಾಗಿ ನನ್ನ ಇತರ ಸಂಬಂಧಿತ ಪಾಕವಿಧಾನಗಳಾದ ವರ್ಮಿಸೆಲ್ಲಿ ಪುಲಾವ್, ರೋಟಿ ಸ್ಯಾಂಡ್‌ವಿಚ್, ಪಿನ್ ವೀಲ್ ಸ್ಯಾಂಡ್‌ವಿಚ್, ವೆಜ್ ಮಲೈ ಸ್ಯಾಂಡ್‌ವಿಚ್, ತುಪ್ಪಾ ದೋಸೆ, ದಡಪೆ  ಪೋಹ, ರವೆ ದೋಸೆ, ನುಚ್ಚಿನುಂಡೆ, ರವಾ ಉತ್ತಪ್ಪ, ಪುಳಿಯೋಗರೆ. ಇವುಗಳಿಗೆ ಮತ್ತಷ್ಟು ನಾನು ನನ್ನ ಇತರ ಸಂಬಂಧಿತ ಪಾಕವಿಧಾನ ವಿಭಾಗಗಳನ್ನು ನಮೂದಿಸಲು ಬಯಸುತ್ತೇನೆ,

• ಬೆಳಗಿನ ಉಪಾಹಾರ
• ಮೊಟ್ಟೆಯಿಲ್ಲದ ಕುಕೀಸ ಬಿಸ್ಕತ್ತುಗಳು
• ದಕ್ಷಿಣ ಭಾರತೀಯ ದೋಸೆ ಪಾಕವಿಧಾನಗಳು

ಅಕ್ಕಿ ರೊಟ್ಟಿ ವೀಡಿಯೊ ಪಾಕವಿಧಾನ:

ಮಸಾಲ ಅಕ್ಕಿ ರೊಟ್ಟಿ ಪಾಕವಿಧಾನ ಕಾರ್ಡ್:

ಹಂತ ಹಂತದ ಫೋಟೋದೊಂದಿಗೆ ಅಕ್ಕಿ ರೊಟ್ಟಿ ಮಾಡುವುದು ಹೇಗೆ:

1. ಮೊದಲನೆಯದಾಗಿ, ದೊಡ್ಡ ಬಟ್ಟಲಿನಲ್ಲಿ 2 ಕಪ್ ಅಕ್ಕಿ ಹಿಟ್ಟು ತೆಗೆದುಕೊಳ್ಳಿ. ಒರಟಾಗಿರದೆ ಉತ್ತಮ ಅಕ್ಕಿ ಹಿಟ್ಟನ್ನು ತೆಗೆದುಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಿ.
   
2. 1 ಈರುಳ್ಳಿ, 2 ಟೀಸ್ಪೂನ್ ಸಬ್ಬಸಿಗೆ ಎಲೆಗಳು, 2 ಟೀಸ್ಪೂನ್ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಮತ್ತು 2 ಟೀಸ್ಪೂನ್ ಹೆಚ್ಚಿದ ಕರಿಬೇವಿನ ಎಲೆಗಳನ್ನು ಸೇರಿಸಿ.
   
3. 1 ಇಂಚು ಶುಂಠಿ, 2 ಮೆಣಸಿನಕಾಯಿ, 1 ಟೀಸ್ಪೂನ್ ಜೀರಿಗೆ ಮತ್ತು 1 ಟೀಸ್ಪೂನ್ ಉಪ್ಪು ಸೇರಿಸಿ.
   
4. ಈರುಳ್ಳಿಯು ತನ್ನ ನೀರನ್ನು ಬಿಡವವರೆಗೆ ಚೆನ್ನಾಗಿ ಹಿಸುಕಿ ಮಿಶ್ರಣ ಮಾಡಿ.
   
5. ಈಗ ¾ ಕಪ್ ನೀರು ಸೇರಿಸಿ ಮತ್ತು ಹಿಟ್ಟು ಮಿಶ್ರಣ ಮಾಡಲು ಪ್ರಾರಂಭಿಸಿ.
   
6. ಅಗತ್ಯವಿರುವಷ್ಟು ಹೆಚ್ಚು ನೀರನ್ನು ಸೇರಿಸಿ ಮತ್ತು ಹೆಚ್ಚು ಗಟ್ಟಿ ಹಿಟ್ಟು ತಯಾರಿಸದೆ, ನಯವಾದ ಮತ್ತು ಮೃದುವಾದ ಹಿಟ್ಟನ್ನು ತಯಾರಿಸಿಕೊಳ್ಳಿ. ಅಕ್ಕಿ ರೊಟ್ಟಿ ಹಿಟ್ಟು ಈಗ ಸಿದ್ಧವಾಗಿದೆ, ಇದನ್ನು ಪಕ್ಕಕ್ಕೆ ಇರಿಸಿ.
   

ಬಾಳೆ ಎಲೆಯಲ್ಲಿ ತಯಾರಿಸಲು:

1. ಬಾಳೆ ಎಲೆಯಲ್ಲಿ ರೊಟ್ಟಿ ತಯಾರಿಸಲು, ಬಾಳೆ ಎಲೆಯನ್ನು ಚೆನ್ನಾಗಿ ಎಣ್ಣೆಯಿಂದ ಗ್ರೀಸ್ ಮಾಡಿ. ಬಾಳೆ ಎಲೆ ಕೋಮಲವಾಗಿಲ್ಲದಿದ್ದರೆ, ಸ್ವಲ್ಪ ಬಿಸಿ ಮಾಡಿ, ಬಾಡಿಸಿ ನಂತರ ಎಣ್ಣೆಯಿಂದ ಗ್ರೀಸ್ ಮಾಡಿ.
   
2. ಚೆಂಡಿನ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ತೆಳುವಾಗಿ ನಿಧಾನವಾಗಿ ಟ್ಯಾಪ್ ಮಾಡಿ ಅಥವಾ ತಟ್ಟಿರಿ.
   
3. 3 ತೂತುಗಳನ್ನು ಮಾಡಿ, ನಾವು ಮಧ್ಯದಲ್ಲಿ ತೈಲವನ್ನು ಸೇರಿಸುವುದರಿಂದ ಇದು ಹುರಿಯಲು ಸಹಾಯ ಮಾಡುತ್ತದೆ.
   
4. ಈಗ ಬಿಸಿ ತವಾಕ್ಕೆ ತಿರುಗಿಸಿ ನಿಧಾನವಾಗಿ ಒತ್ತಿರಿ.
   
5. ಒಂದು ನಿಮಿಷದ ನಂತರ ಬಾಳೆ ಎಲೆಯನ್ನು ನಿಧಾನವಾಗಿ ತೆಗೆಯಿರಿ.
   
6. ಅಡಿ ಬೆಂದ ನಂತರ ಉಲ್ಟಾ ತಿರುಗಿಸಿ.
   
7. ಈಗ ಎಣ್ಣೆ ಸೇರಿಸಿ ಸ್ವಲ್ಪ ಕಂದು ಬಣ್ಣ ಅಥವಾ ಗೋಲ್ಡನ್ ಬ್ರೌನ್ ಬರುವವರೆಗೆ ಎರಡೂ ಬದಿ ಚೆನ್ನಾಗಿ ಹುರಿಯಿರಿ.
   

   ತವಾದಲ್ಲಿ ತಯಾರಿಸಲು:

1. 1 ಟೀಸ್ಪೂನ್ ಎಣ್ಣೆಯಿಂದ ಹೆವಿ-ಬಾಟಮ್ ತವಾವನ್ನು ಎಣ್ಣೆಯಿಂದ ಚೆನ್ನಾಗಿ ಗ್ರೀಸ್ ಮಾಡಿ.
   
2. ಚೆಂಡಿನ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ತೆಳುವಾಗಿ ನಿಧಾನವಾಗಿ ಟ್ಯಾಪ್ ಮಾಡಿ.
   
3. ಮಧ್ಯಮ ಜ್ವಾಲೆಯ ಮೇಲೆ ತವಾ ಇರಿಸಿ.
   
4. ಎರಡೂ ಕಡೆ ಬೇಯಿಸಿ ಒಂದು ಚಮಚ ಎಣ್ಣೆಯನ್ನು ಹಾಕಿ ಕಂದು ಬಣ್ಣ ಅಥವಾ ಗೋಲ್ಡನ್ ಬ್ರೌನ್ ಬರುವವರೆಗೆ ಚೆನ್ನಾಗಿ ಹುರಿಯಿರಿ.
   
5. ಅಂತಿಮವಾಗಿ, ಮಸಾಲೆಯುಕ್ತ ಚಟ್ನಿಯೊಂದಿಗೆ ಅಕ್ಕಿ ಹಿಟ್ಟಿನ ರೊಟ್ಟಿಯನ್ನು ಆನಂದಿಸಿ.
   

ಟಿಪ್ಪಣಿಗಳು:

• ಮೊದಲನೆಯದಾಗಿ, ತೆಳುವಾಗಿ ರೊಟ್ಟಿಯನ್ನು ತಟ್ಟುವಾಗ ನಿಮ್ಮ ಕೈಯನ್ನು ನೀರಿನಲ್ಲಿ ಅದ್ದಿದೆಯಾ ಎಂದು ಖಚಿತಪಡಿಸಿಕೊಳ್ಳಿ.
• ಹಾಗೆಯೇ ನಿಮ್ಮ ಆಯ್ಕೆಯ ಪ್ರಕಾರ ತುರಿದ ಕ್ಯಾರೆಟ್ ಅಥವಾ ತರಕಾರಿಗಳನ್ನು ನೀವು ಪೌಷ್ಟಿಕವಾಗಿಸಲು ಸೇರಿಸಬಹುದು.
• ಇದಲ್ಲದೆ, ನಿಮಗೆ ಬಾಳೆ ಎಲೆಯು ಸಿಗದಿದ್ದರೆ, ಬೆಣ್ಣೆ ಕಾಗದ ಅಥವಾ ಬಟರ್ ಪೇಪರ್ ಅನ್ನು ಬಳಸಿ.
• ಅಂತಿಮವಾಗಿ, ಅಕ್ಕಿ ರೊಟ್ಟಿ ಪಾಕವಿಧಾನವು ಸಾಕಷ್ಟು ಹಸಿರು ಸೊಪ್ಪುಗಳೊಂದಿಗೆ ತಯಾರಿಸಿದಾಗ ಉತ್ತಮ ರುಚಿ ನೀಡುತ್ತದೆ.