ಕಡ್ಲೆಬೇಳೆ ವಡೆ ರೆಸಿಪಿ | chana dal vada in kannada | ದಾಲ್ ವಡಾ

ಕಡ್ಲೆಬೇಳೆ ವಡೆ ಪಾಕವಿಧಾನ | ದಾಲ್ ವಡಾ | ಪರುಪ್ಪು ವಡೈಯ ವಿವರವಾದ ಫೋಟೋ ಮತ್ತು ವೀಡಿಯೊ ಪಾಕವಿಧಾನ. ಇವು ಜನಪ್ರಿಯ ದಕ್ಷಿಣ ಭಾರತೀಯ ಎಣ್ಣೆಯಲ್ಲಿ ಕರಿದ ಸ್ನ್ಯಾಕ್ ಪಾಕವಿಧಾನವಾಗಿದ್ದು ಕಡ್ಲೆಬೇಳೆಯಿಂದ ತಯಾರಿಸಲಾಗುತ್ತದೆ. ಇದನ್ನು ಸಾಮಾನ್ಯವಾಗಿ ಉಪಾಹಾರಕ್ಕಾಗಿ ಇಡ್ಲಿ ಅಥವಾ ದೋಸಾಗೆ ಒಂದು ಸೈಡ್ಸ್ ನಂತೆ ತಯಾರಿಸಲಾಗುತ್ತದೆ, ಆದರೆ ಹಬ್ಬದ ಆಚರಣೆಗಾಗಿ ಸಹ ಮಾಡಬಹುದಾಗಿದೆ. ಇದನ್ನು ಸಾಮಾನ್ಯವಾಗಿ ಹಾಗೆಯೇ ತಿನ್ನುಬಹುದು, ಆದರೆ ತೆಂಗಿನಕಾಯಿ ಚಟ್ನಿ ಅಥವಾ ಹಸಿರು ಚಟ್ನಿಯೊಂದಿಗೆ ಉತ್ತಮವಾಗಿ ರುಚಿ ನೀಡುತ್ತದೆ.

ಕಡ್ಲೆಬೇಳೆ ವಡೆ ಪಾಕವಿಧಾನ | ದಾಲ್ ವಡಾ | ಪರುಪ್ಪು ವಡೈಯ ಹಂತ ಹಂತದ ಫೋಟೋ ಮತ್ತು ವೀಡಿಯೊ ಪಾಕವಿಧಾನ. ದಕ್ಷಿಣ ಭಾರತೀಯ ಪಾಕವಿಧಾನಗಳು ಅನೇಕ ತಿಂಡಿ ಮತ್ತು ವಡಾ ಪಾಕವಿಧಾನಗಳೊಂದಿಗೆ ವ್ಯವಹರಿಸುತ್ತವೆ. ಇವುಗಳನ್ನು ಸಾಮಾನ್ಯವಾಗಿ ಮಸೂರ ಅಥವಾ ಬೇಳೆಗಳೊಂದಿಗೆ ತಯಾರಿಸಲಾಗುತ್ತದೆ ಮತ್ತು ಇದನ್ನು ಗರಿಗರಿಯಾಗುವ ತನಕ ಹುರಿಯಲಾಗುತ್ತದೆ. ಅಂತಹ ಸುಲಭ ಮತ್ತು ತ್ವರಿತ ವಡೈ ಪಾಕವಿಧಾನ ಕಡ್ಲೆಬೇಳೆ ವಡೆ ಆಗಿದ್ದು, ಸ್ನ್ಯಾಕ್ ಅಥವಾ ಉಪಹಾರವಾಗಿ ತಯಾರಿಸಲ್ಪಟ್ಟಿದೆ.

ಅನೇಕ ದಕ್ಷಿಣ ಭಾರತೀಯ ಕುಟುಂಬಗಳಲ್ಲಿ ವಡಾ ಪಾಕವಿಧಾನಗಳು ಬಹಳ ಸಾಮಾನ್ಯವಾಗಿರುತ್ತವೆ ಮತ್ತು ಹೆಚ್ಚಿನ ಊಟದಲ್ಲಿ ಸ್ನ್ಯಾಕ್ ನಂತೆ ಸೇರಿವೆ. ಸಾಮಾನ್ಯವಾಗಿ, ವಡಾ ಪಾಕವಿಧಾನಗಳನ್ನು ಮಸೂರ ಅಥವಾ ಬೇಳೆಯೊಂದಿಗೆ ತಯಾರಿಸಲಾಗುತ್ತದೆ ಮತ್ತು ದಪ್ಪವಾದ ಬ್ಯಾಟರ್ ರೂಪಿಸಲು ಒರಟಾಗಿ ರುಬ್ಬಿಕೊಳ್ಳಲಾಗುತ್ತದೆ. ಅದೇ ವಿಧಾನವು ಕಡ್ಲೆಬೇಳೆ ವಡೆ ಪಾಕವಿಧಾನ ಅಥವಾ ಪರುಪ್ಪು ಪಾಕವಿಧಾನಕ್ಕೂ ಅನ್ವಯಿಸುತ್ತದೆ. ಹೆಚ್ಚುವರಿಯಾಗಿ, ನಾನು ಶುಂಠಿ, ಸಬ್ಬಸಿಗೆ ಎಲೆಗಳು, ಕೊತ್ತಂಬರಿ ಎಲೆಗಳು, ಜೀರಿಗೆ ಮತ್ತು ಹಸಿರು ಮೆಣಸಿನಕಾಯಿಗಳನ್ನು ಸೇರಿಸಿದ್ದೇನೆ, ಇದು ಸುವಾಸನೆ ಮತ್ತು ರುಚಿಯನ್ನು ಸೇರಿಸುತ್ತದೆ.

ಇದಲ್ಲದೆ, ಕಡ್ಲೆಬೇಳೆ ವಡೆ ರೆಸಿಪಿ ತಯಾರಿಸುವಾಗ ಕೆಲವು ಸುಲಭ ಮತ್ತು ಪ್ರಮುಖ ಸಲಹೆಗಳನ್ನು ನೀಡಲು ಬಯಸತ್ತೇನೆ. ಮೊದಲಿಗೆ, ಕಡ್ಲೆಬೇಳೆಯನ್ನು ರುಬ್ಬುವಾಗ ಒರಟಾದ ಪೇಸ್ಟ್ ರೂಪಿಸಲು ಯಾವುದೇ ನೀರನ್ನು ಸೇರಿಸಬೇಡಿ. ಇದು ಡ್ರೈ ಆಗಿರಬೇಕು. ಇಲ್ಲದಿದ್ದರೆ, ಎಣ್ಣೆಯಲ್ಲಿ ಹುರಿಯುವ ಸಂದರ್ಭದಲ್ಲಿ ಅದು ಹೆಚ್ಚು ಎಣ್ಣೆಯನ್ನು ಹೀರಿಕೊಳ್ಳಬಹುದು. ಎರಡನೆಯದಾಗಿ, ನಾನು ಈ ವಡೆಯನ್ನು ಎಣ್ಣೆಯಲ್ಲಿ ಹುರಿದಿದ್ದೇನೆ, ಇದು ಗರಿಗರಿಯಾದ ಪರುಪ್ಪು ವಡೈಯನ್ನು ನೀಡುತ್ತದೆ. ಆದರೆ ನೀವು ಶಾಲ್ಲೋ ಫ್ರೈ ಅಥವಾ ಪ್ಯಾನ್ ಫ್ರೈ ಮಾಡಬಹುದು ಆದರೆ ನಾನು ಇದನ್ನು ಎಣ್ಣೆಯಲ್ಲಿ ಹುರಿಯಲು ಅಥವಾ ಡೀಪ್ ಫ್ರೈ ಮಾಡಲು ಶಿಫಾರಸು ಮಾಡುತ್ತೇನೆ. ಕೊನೆಯದಾಗಿ, ಏರ್ಟೈಟ್ ಕಂಟೇನರ್ನಲ್ಲಿ ಸಂರಕ್ಷಿಸಿದಾಗ ಈ ವಡಾ 4-5 ದಿನಗಳು ಸುಲಭವಾಗಿ ಉಳಿಯುತ್ತವೆ.

ಅಂತಿಮವಾಗಿ, ಕಡ್ಲೆಬೇಳೆ ವಡೆ ಪಾಕವಿಧಾನದ ಈ ಪೋಸ್ಟ್ನೊಂದಿಗೆ ನನ್ನ ಇತರ ತಿಂಡಿಗಳು ಪಾಕವಿಧಾನಗಳ ಸಂಗ್ರಹವನ್ನು ಹೈಲೈಟ್ ಮಾಡಲು ನಾನು ಬಯಸುತ್ತೇನೆ. ಇದು ಮೆದು ವಡಾ, ಬ್ರೆಡ್ ವಡಾ, ಪಾಲಕ್ ವಡಾ, ಸಾಬುದಾನ ವಡಾ, ಮೂನ್ಗ್ ದಾಲ್ ವಡಾ, ಮದೂರ್ ವಡಾ, ದಹಿ ವಡಾ, ಮಸಾಲಾ ವಡಾ ಮತ್ತು ರವಾ ವಡಾ ರೆಸಿಪಿ ಸೇರಿದೆ. ಇದಲ್ಲದೆ, ನನ್ನ ಇತರ ಜನಪ್ರಿಯ ಪಾಕವಿಧಾನ ಸಂಗ್ರಹಣೆಯನ್ನು ಭೇಟಿ ಮಾಡಿ,

• ಸಲಾಡ್ ಪಾಕವಿಧಾನಗಳು
• ತಂಬ್ಲಿ ಪಾಕವಿಧಾನಗಳು
• ಆಚರಣೆಗಳು ಧರ್ಮಾಚರಣೆ ಸಂಪ್ರದಾಯಗಳ

ಕಡ್ಲೆಬೇಳೆ ವಡೆ ವೀಡಿಯೊ ಪಾಕವಿಧಾನ:

ಕಡ್ಲೆಬೇಳೆ ವಡೆ ಪಾಕವಿಧಾನ ಕಾರ್ಡ್:

ಹಂತ ಹಂತದ ಫೋಟೋದೊಂದಿಗೆ ಪರುಪ್ಪು ವಡೈ ಹೇಗೆ ಮಾಡುವುದು;

1. ಮೊದಲಿಗೆ, ದೊಡ್ಡ ಬಟ್ಟಲಿನಲ್ಲಿ 2 ಗಂಟೆಗಳ ಕಾಲ 1 ಕಪ್ ಕಡ್ಲೆಬೇಳೆಯನ್ನು ನೆನೆಸಿಡಿ.
   
2. ನೀರನ್ನು ಬಸಿದು 20 ನಿಮಿಷಗಳ ಕಾಲ ಅಥವಾ ನೀರು ಸಂಪೂರ್ಣವಾಗಿ ಹೋಗುವ ತನಕ ಹಾಗೆಯೇ ಒಂದು ಬದಿಯಲ್ಲಿ ಇಡಿ.
   
3. ಈಗ ಈ ಕಡ್ಲೆಬೇಳೆಯನ್ನು ಮಿಕ್ಸರ್ ಗೆ ವರ್ಗಾಯಿಸಿ.
   
4. 1 ಇಂಚಿನ ಶುಂಠಿ, 2 ಮೆಣಸಿನಕಾಯಿ ಮತ್ತು 1 ಟೀಸ್ಪೂನ್ ಜೀರಿಗೆ ಸೇರಿಸಿ.
   
5. ಯಾವುದೇ ನೀರನ್ನು ಸೇರಿಸದೆ ಒರಟಾದ ಪೇಸ್ಟ್ಗೆ ರುಬ್ಬಿಕೊಳ್ಳಿ.
   
6. ಈಗ ಕಡ್ಲೆಬೇಳೆ ಪೇಸ್ಟ್ ಅನ್ನು ದೊಡ್ಡ ಬೌಲ್ ಗೆ ವರ್ಗಾಯಿಸಿ.
   
7. ಮತ್ತಷ್ಟು 2 ಟೇಬಲ್ಸ್ಪೂನ್ ಕೊತ್ತಂಬರಿ ಸೊಪ್ಪು, 3 ಟೇಬಲ್ಸ್ಪೂನ್ ಸಬ್ಬಸಿಗೆ ಎಲೆಗಳು, 2 ಟೇಬಲ್ಸ್ಪೂನ್   ಕರಿ ಬೇವಿನ ಎಲೆಗಳು, ಪಿಂಚ್ ಹಿಂಗ್ ಮತ್ತು ½ ಟೀಸ್ಪೂನ್ ಉಪ್ಪು ಸೇರಿಸಿ.
   
8. ಅವುಗಳನ್ನು ಹಿಸುಕಿ ಸಂಯೋಜಿಸಿ.
   
9. ಇದಲ್ಲದೆ, ನಿಮ್ಮ ಕೈ ಯನ್ನು ಎಣ್ಣೆಯಿಂದ ಗ್ರೀಸ್ ಮಾಡಿ ಸಣ್ಣ ಚೆಂಡುಗಳನ್ನು ತಯಾರಿಸಿ, ವಡೆಯನ್ನು ಚಪ್ಪಟೆಗೊಳಿಸಿ.
   
10. ಮತ್ತು ಬಿಸಿ ಎಣ್ಣೆಯಲ್ಲಿ ಹುರಿಯಿರಿ. ಅಥವಾ 180 ಡಿಗ್ರಿ ಸೆಲ್ಸಿಯಸ್ನಲ್ಲಿ 25 ನಿಮಿಷಗಳ ಕಾಲ ಅಥವಾ ಗರಿಗರಿಯಾಗುವ ತನಕ ಬೇಕ್ ಮಾಡಿ.
    
11. ದಾಲ್ ವಡಾ ಗೋಲ್ಡನ್ ಬ್ರೌನ್ ಮತ್ತು ಗರಿಗರಿಯಾಗುವ ತನಕ ಕೈ ಆಡಿಸುತ್ತಾ ಇರಿ.
    
12. ಅಂತಿಮವಾಗಿ, ಮಸಾಲಾ ಚಹಾ ಜೊತೆಗೆ ಕಡ್ಲೆಬೇಳೆ ವಡೆಯನ್ನು ಬಿಸಿಯಾಗಿ ಆನಂದಿಸಿ.
    

ಟಿಪ್ಪಣಿಗಳು:

• ಮೊದಲಿಗೆ, ದಾಲ್ ಅನ್ನು ಅತಿಯಾಗಿ ನೆನೆಸದಿರಿ. ಹೀಗೆ ಮಾಡಿದರೆ ವಡೆ ಕುರುಕುಲಾಗುವುದಿಲ್ಲ.
• ಅಲ್ಲದೆ, ರುಬ್ಬುವಾಗ ಉಪ್ಪು ಸೇರಿಸದಿರಿ, ಯಾಕೆಂದರೆ ಅದು ನೀರನ್ನು ಬಿಡುಗಡೆ ಮಾಡುತ್ತದೆ.
• ಇದಲ್ಲದೆ, ಹಿಟ್ಟು ನೀರಾಗಿ ತಿರುಗಿಸಿದರೆ, ಒಂದು ಟೇಬಲ್ಸ್ಪೂನ್ ಅಕ್ಕಿ ಹಿಟ್ಟನ್ನು ಸೇರಿಸಿ.
• ಪರ್ಯಾಯವಾಗಿ, ಕಡ್ಲೆಬೇಳೆ ವಡೆ ಪಾಕವಿಧಾನಕ್ಕೆ ಪರಿಮಳ ಹೆಚ್ಚಿಸಲು ಈರುಳ್ಳಿ ಸೇರಿಸಿ.
• ಅಂತಿಮವಾಗಿ, ಗಾಳಿಯಾಡದ ಡಬ್ಬದಲ್ಲಿ ಕಡ್ಲೆಬೇಳೆ ವಡೆಯನ್ನು ಸಂಗ್ರಹಿಸಿ.