ರೋಟಿ ಪಿಜ್ಜಾ ರೆಸಿಪಿ | roti pizza in kannada | ಪಿಜ್ಜಾ ರೋಟಿ

ರೋಟಿ ಪಿಜ್ಜಾ ಪಾಕವಿಧಾನ | ಪಿಜ್ಜಾ ರೋಟಿ | ಉಳಿದ ಚಪಾತಿಯೊಂದಿಗೆ ರೋಟಿ ಪಿಜ್ಜಾದ ವಿವರವಾದ ಫೋಟೋ ಮತ್ತು ವೀಡಿಯೊ ಪಾಕವಿಧಾನ. ಉಳಿದ ಚಪಾತಿ ಅಥವಾ ರೋಟಿಯನ್ನು ಪಿಜ್ಜಾ ಬೇಸ್ ನಂತೆ ಉಪಯೋಗಿಸಿ, ಸಾಂಪ್ರದಾಯಿಕ ಪಿಜ್ಜಾ ಪಾಕವಿಧಾನವನ್ನು ತಯಾರಿಸುವ ಒಂದು ಅನನ್ಯ ಮತ್ತು ಬುದ್ಧಿವಂತ ಮಾರ್ಗ. ಇದು ಆದರ್ಶ ಪಿಜ್ಜಾ ಪಾಕವಿಧಾನವಾಗಿದ್ದು, ತವಾ ಅಥವಾ ಪ್ಯಾನ್ ನಲ್ಲಿ ಮತ್ತು ಓವೆನ್ ಇಲ್ಲದೆ ತಯಾರಿಸಬಹುದು. ಈ ಪಾಕವಿಧಾನ ಸುಲಭ ಮತ್ತು ಸರಳವಾಗಿದೆ ಮತ್ತು ಟೊಪ್ಪಿನ್ಗ್ಸ್ ಗಳ ಆಯ್ಕೆಯೊಂದಿಗೆ ನಿಮಿಷಗಳಲ್ಲಿ ತಯಾರಿಸಬಹುದು.

ರೋಟಿ ಪಿಜ್ಜಾ ಪಾಕವಿಧಾನ | ಉಳಿದ ಚಪಾತಿಯೊಂದಿಗೆ ರೋಟಿ ಪಿಜ್ಜಾದ ಹಂತ ಹಂತದ ಫೋಟೋ ಮತ್ತು ವೀಡಿಯೊ ಪಾಕವಿಧಾನ. ಭಾರತೀಯ ಪಾಕಪದ್ಧತಿಯು ಪೂರ್ವದಿಂದ ಪಶ್ಚಿಮಕ್ಕೆ ಹಿಡಿದು ಅನೇಕ ಪಾಕಪದ್ಧತಿಗಳನ್ನು ಸ್ವೀಕರಿಸಿದೆ ಮತ್ತು ಅನೇಕ ಸಮ್ಮಿಳನ ಪಾಕವಿಧಾನಗಳಿಗೆ ಕಾರಣವಾಗಿದೆ. ಅಲ್ಲದೆ, ಈ ಸಮ್ಮಿಳನ ಪಾಕವಿಧಾನಗಳು ಸಾಮಾನ್ಯವಾಗಿ ಹಿಂದಿನ ರಾತ್ರಿ ಭೋಜನದ ಅಥವಾ ಮಧ್ಯಾಹ್ನ ಊಟದ ಉಳಿದ ಭಕ್ಷ್ಯವನ್ನು ಗುರಿಯಾಗಿಸಿಕೊಳ್ಳುತ್ತವೆ. ರೋಟಿ ಪಿಜ್ಜಾ ಅಂತಹ ಒಂದು ಫ್ಯೂಷನ್ ಪಾಕವಿಧಾನವಾಗಿದ್ದು, ಅದೇ ಪಿಜ್ಜಾದ ಸುವಾಸನೆ ಮತ್ತು ರುಚಿಯನ್ನು ಹೊಂದಿದ್ದು ನಿಮಿಷಗಳಲ್ಲಿ ತಯಾರಿಸಬಹುದು.

ನಾನು ಈಗ ಕೆಲವು ಪಿಜ್ಜಾ ಪಾಕವಿಧಾನಗಳನ್ನು ಹಂಚಿಕೊಂಡಿದ್ದೇನೆ ಆದರೆ ಈ ಪಾಕವಿಧಾನ ನನ್ನ ಹೊಸ ನೆಚ್ಚಿನ ಪಾಕವಿಧಾನವಾಗಿದೆ. ಇದಕ್ಕಾಗಿ ಕೆಲವು ಕಾರಣಗಳಿವೆ. ಆದರೆ ಪ್ರಾಥಮಿಕ ಕಾರಣವೆಂದರೆ ಅದು ಉಳಿದಿರುವ ರೋಟಿಯನ್ನು ಬೇಸ್ ಆಗಿ ಉಪಯೋಗಿಸಲ್ಪಡುತ್ತದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ಮೂಲಭೂತವಾಗಿ ಮೈದಾ ಆಧರಿತ ಬೇಸ್ ಅನ್ನು ಬೆರೆಸುವ ಮತ್ತು ಪ್ರೂಫಿಂಗ್ ಮಾಡುವ ಸಂಪೂರ್ಣ ತೊಡಕಿನ ಪ್ರಕ್ರಿಯೆಯನ್ನು ಕಡಿತಗೊಳಿಸುತ್ತದೆ. ಆದ್ದರಿಂದ ರೋಟಿ ಪಿಜ್ಜಾವನ್ನು ನಿಮಿಷಗಳಲ್ಲಿ ಮತ್ತು ಹೆಚ್ಚು ಮುಖ್ಯವಾಗಿ ಓವೆನ್ ಇಲ್ಲದೆ ತಯಾರಿಸಬಹುದು. ವಿಶೇಷವಾಗಿ ವಾರಾಂತ್ಯಗಳಲ್ಲಿ, ನೀವು ಮೊದಲಿನಿಂದ ಯಾವುದೇ ತಿಂಡಿಗಳನ್ನು ತಯಾರಿಸಲು ಬೇಸರಗೊಂಡಾಗ, ಇಂತಹ ಚೀಸ್ ಆಧಾರಿತ ತತ್ಕ್ಷಣದ ತಿಂಡಿಗಳು ಸೂಕ್ತವಾಗಿರುತ್ತದೆ. ಇದರ ಇತರ ಅನುಕೂಲಗಳು ಯಾವುದೆಂದರೆ, ಇದು ಸಾಂಪ್ರದಾಯಿಕವಾದವುಗಳಿಗೆ ಹೋಲಿಸಿದರೆ ತೆಳುವಾದ ಕ್ರಸ್ಟ್ ಅನ್ನು ಹೊಂದಿರುತ್ತದೆ. ಹೆಚ್ಚುವರಿಯಾಗಿ, ಅಥೆಂಟಿಕ್ ಪಿಜ್ಜಾವು ಮೈದಾವನ್ನು ಬಳಸಲ್ಪುಡುತ್ತದೆ, ಆದರೆ ಇದು ಗೋಧಿ ಆಧಾರಿತವಾಗಿದೆ.

ಇದಲ್ಲದೆ, ದಿಢೀರ್ ರೋಟಿ ಪಿಜ್ಜಾ ರೆಸಿಪಿ ತಯಾರಿಸಲು ಕೆಲವು ಸುಲಭ ಹಾಗೂ ಪ್ರಮುಖ ಸಲಹೆಗಳನ್ನು ನೀಡಲು ಬಯಸುತ್ತೇನೆ. ಮೊದಲಿಗೆ, ಚಪಾತಿ ಅಥವಾ ರೋಟಿಗಳು ಕೋಣೆಯ ಉಷ್ಣಾಂಶವಾಗಿರಬೇಕು ಮತ್ತು ಹಾಗಾಗಿ ಉಳಿದ ರೋಟಿಗಳು ಸೂಕ್ತವಾಗಿರುತ್ತವೆ. ಹೊಸದಾಗಿ ಸಿದ್ಧಪಡಿಸಿದ ರೋಟಿಯನ್ನು ಬಳಸಲು ನಾನು ಶಿಫಾರಸು ಮಾಡುವುದಿಲ್ಲ. ಏಕೆಂದರೆ ಇದು ಮೃದುವಾಗಿದ್ದು, ಇದನ್ನು ಬೇಸ್ ನಂತೆ ಉಪಯೋಗಿಸಲಾಗುವುದಿಲ್ಲ. ಎರಡನೆಯದಾಗಿ, ನಾನು ಕೇವಲ ತರಕಾರಿ ಆಧಾರಿತ ಟೊಪ್ಪಿನ್ಗ್ಸ್ ಗಳನ್ನೂ ಮಾತ್ರ ಬಳಸಿದ್ದೇನೆ ಆದರೆ ನೀವು ಯಾವುದೇ ಟೊಪ್ಪಿನ್ಗ್ಸ್ ಅನ್ನು ಆಯ್ಕೆ ಮಾಡಬಹುದು. ನೀವು ಮಾಂಸ ಅಥವಾ ಎರಡರ ಸಂಯೋಜನೆಯೊಂದಿಗೆ ಮಿಶ್ರಣ ಮತ್ತು ಹೊಂದಾಣಿಕೆಯನ್ನು ಮಾಡಬಹುದು. ಕೊನೆಯದಾಗಿ, ಕಡಿಮೆ ಜ್ವಾಲೆಯ ಮೇಲೆ ಚಪಾತಿ ಬೇಸ್ ಅನ್ನು ಬೆಣ್ಣೆಯೊಂದಿಗೆ ರೋಸ್ಟ್ ಮಾಡಿ. ಇದು ಚಪಾತಿಯನ್ನು ಜಾಸ್ತಿ ಹುರಿಯದೆ, ಗರಿಗರಿಯನ್ನಾಗಿಸುತ್ತದೆ.

ಅಂತಿಮವಾಗಿ, ಈ ಪೋಸ್ಟ್ನೊಂದಿಗೆ ನನ್ನ ಇತರ ಇದೇ ದಿಡೀರ್ ಪಾಕವಿಧಾನಗಳು ಪಾಕವಿಧಾನಗಳ ಸಂಗ್ರಹವನ್ನು ಭೇಟಿ ಮಾಡಿ. ಇದು ಮೈಕ್ರೋವೇವ್ ನಲ್ಲಿ ಇನ್ಸ್ಟೆಂಟ್ ಧೋಕ್ಲಾ, ಬ್ರೆಡ್ ವಡಾ, ತತ್ಕ್ಷಣ ಓಟ್ಸ್ ದೋಸಾ, ಇನ್ಸ್ಟೆಂಟ್ ಗೋಧಿ ದೋಸ, ಇನ್ಸ್ಟೆಂಟ್ ಮಾಲ್ಪುವಾ, ಇನ್ಸ್ಟೆಂಟ್ ಸೂಜಿ ಇಡ್ಲಿ, ಇನ್ಸ್ಟೆಂಟ್ ಬಿರಿಯಾನಿ ಮತ್ತು ತ್ವರಿತ ಭಟೂರಾ ಪಾಕವಿಧಾನದಂತಹ ಪಾಕವಿಧಾನಗಳನ್ನು ಒಳಗೊಂಡಿದೆ. ಮತ್ತಷ್ಟು ನನ್ನ ಇತರ ರೀತಿಯ ಪಾಕವಿಧಾನಗಳ ಸಂಗ್ರಹವನ್ನು ಭೇಟಿ ಮಾಡಿ,

• ಬೇಕರಿ ಪಾಕವಿಧಾನಗಳು
• ಡೈರಿ ಪಾಕವಿಧಾನಗಳು
• ಅಡುಗೆ ಸಲಹೆಗಳು ತಂತ್ರಗಳು ವಿಧಾನಗಳು

ರೋಟಿ ಪಿಜ್ಜಾ ವೀಡಿಯೊ ಪಾಕವಿಧಾನ:

ಪಿಜ್ಜಾ ರೋಟಿ ಪಾಕವಿಧಾನ ಕಾರ್ಡ್:

ಹಂತ ಹಂತದ ಫೋಟೋದೊಂದಿಗೆ ರೋಟಿ ಪಿಜ್ಜಾ ಹೇಗೆ ಮಾಡುವುದು:

1. ಮೊದಲಿಗೆ, ½ ಟೀಸ್ಪೂನ್ ಬೆಣ್ಣೆಯನ್ನು ಸೇರಿಸಿ ತವಾವನ್ನು ಬಿಸಿ ಮಾಡಿ. ನೀವು ಪರ್ಯಾಯವಾಗಿ ಓವೆನ್ ನಲ್ಲಿ ತಯಾರಿಸಬಹುದು.
   
2. ಬೆಣ್ಣೆ ಕರಗಿದಾಗ, ಚಪಾತಿ / ರೋಟಿಯನ್ನು ಸ್ವಲ್ಪ ಬೆಚ್ಚಗೆ ಮಾಡಿ.
   
3. ಈಗ ಜ್ವಾಲೆಯನ್ನು ಆಫ್ ಮಾಡಿ ಮತ್ತು 4 ಟೀಸ್ಪೂನ್ ಪಿಜ್ಜಾ ಸಾಸ್ ಹರಡಿ.
   
4. ಕ್ಯಾಪ್ಸಿಕಮ್, ಈರುಳ್ಳಿ, ಪಾಲಕ್, ಜಲಪೆನೊ ಮತ್ತು ಆಲಿವ್ಗಳೊಂದಿಗೆ ಟಾಪ್ ಮಾಡಿ.
   
5. ಅಲ್ಲದೆ, ½ ಕಪ್ ಮೊಝ್ಝಾರೆಲ್ಲಾ ಚೀಸ್ ಹರಡಿ.
   
6. ಮತ್ತಷ್ಟು, ½ ಟೀಸ್ಪೂನ್ ಚಿಲ್ಲಿ ಫ್ಲೇಕ್ಸ್ ಮತ್ತು ¼ ಟೀಸ್ಪೂನ್ ಮಿಕ್ಸೆಡ್ ಹರ್ಬ್ಸ್ ಅನ್ನು ಸಿಂಪಡಿಸಿ.
   
7. ಈಗ 3 ನಿಮಿಷಗಳ ಕಾಲ ಮುಚ್ಚಿ ಅಥವಾ ಚೀಸ್ ಸಂಪೂರ್ಣವಾಗಿ ಕರಗುವ ತನಕ ಸಿಮ್ಮರ್ ನಲ್ಲಿಡಿ.
   
8. ಅಂತಿಮವಾಗಿ, ರೋಟಿ ಪಿಜ್ಜಾವನ್ನು ಸ್ಲೈಸ್ ಮಾಡಿ ಬಿಸಿಯಾಗಿ ಸೇವಿಸಿ.
   

ಟಿಪ್ಪಣಿಗಳು:

• ಮೊದಲಿಗೆ, ಗರಿಗರಿಯಾದ ಕ್ರಸ್ಟ್ ಅನ್ನು ಪಡೆಯಲು ಉಳಿದ ಬ್ರೆಡ್ ಅನ್ನು ಬಳಸಿ.
• ಸಹ, ರೋಟಿ ಸುಡುವುದನ್ನು ತಡೆಯಲು ಕಡಿಮೆ ಜ್ವಾಲೆಯ ಮೇಲೆ ಬೇಯಿಸಿ.
• ಹೆಚ್ಚುವರಿಯಾಗಿ, ಹೆಚ್ಚು ಆಕರ್ಷಕವಾಗಿಸಲು ನಿಮ್ಮ ಆಯ್ಕೆಯ ತರಕಾರಿಗಳೊಂದಿಗೆ ಟಾಪ್ ಮಾಡಿ.
• ಅಂತಿಮವಾಗಿ, ರೋಟಿ ಪಿಜ್ಜಾ ಪಾಕವಿಧಾನವನ್ನು ವೆಜ್ ಪಿಜ್ಜಾಕ್ಕೆ ಹೋಲಿಸಿದರೆ ಆರೋಗ್ಯಕರ ಪರ್ಯಾಯವಾಗಿ ಪರಿಗಣಿಸಬಹುದು.