ಸೇಮಿಯಾ ಬಿರಿಯಾನಿ ರೆಸಿಪಿ | semiya biryani in kannada | ಶಾವಿಗೆ ಬಿರಿಯಾನಿ

ಸೇಮಿಯಾ ಬಿರಿಯಾನಿ ಪಾಕವಿಧಾನ | ವರ್ಮಿಸೆಲ್ಲಿ ಬಿರಿಯಾನಿ | ಶಾವಿಗೆ ಬಿರಿಯಾನಿಯ ವಿವರವಾದ ಫೋಟೋ ಮತ್ತು ವಿಡಿಯೋ ಪಾಕವಿಧಾನ. ಇದು ವರ್ಮಿಸೆಲ್ಲಿ ಅಥವಾ ಸೇಮಿಯಾದಿಂದ ತಯಾರಿಸಿದ ಬಿರಿಯಾನಿಯ ವಿಶಿಷ್ಟ ಮತ್ತು ಸಮ್ಮಿಳನ ಪಾಕವಿಧಾನ. ತಮ್ಮ ಆಹಾರದಲ್ಲಿ ಅನ್ನ ಅಥವಾ ಅನ್ನ ಆಧಾರಿತ ಪಾಕವಿಧಾನವನ್ನು ಹೊಂದಲು ಸಾಧ್ಯವಾಗದವರಿಗೆ ಇದು ಸುಲಭ ಮತ್ತು ಆರೋಗ್ಯಕರ ಪರ್ಯಾಯವಾಗಿದೆ. ಈ ಪಾಕವಿಧಾನವನ್ನು ಸಾಂಪ್ರದಾಯಿಕ ಬಿರಿಯಾನಿಯಂತೆಯೇ ಅದೇ ಪದಾರ್ಥಗಳು ಮತ್ತು ಮಸಾಲೆಗಳೊಂದಿಗೆ ತಯಾರಿಸಲಾಗುತ್ತದೆ. ಆದರೇ, ಅಕ್ಕಿಯ ಜಾಗದಲ್ಲಿ ವರ್ಮಿಸೆಲ್ಲಿ ನೂಡಲ್ಸ್‌ನೊಂದಿಗೆ ಬದಲಾಯಿಸಲಾಗುತ್ತದೆ.

ಸೇಮಿಯಾ ಬಿರಿಯಾನಿ ಪಾಕವಿಧಾನ | ವರ್ಮಿಸೆಲ್ಲಿ ಬಿರಿಯಾನಿ | ಶಾವಿಗೆ ಬಿರಿಯಾನಿಯ ಹಂತ ಹಂತದ ಫೋಟೋ ಮತ್ತು ವಿಡಿಯೋ ಪಾಕವಿಧಾನ. ಬಿರಿಯಾನಿ ಪಾಕವಿಧಾನಗಳು ಭಾರತದಲ್ಲಿ ಬಹಳ ಸಾಮಾನ್ಯವಾಗಿದೆ ಮತ್ತು ಇದನ್ನು ಸಾಮಾನ್ಯವಾಗಿ ವಿವಿಧ ಅಕ್ಕಿಯೊಂದಿಗೆ ತಯಾರಿಸಲಾಗುತ್ತದೆ. ಆದರೆ ಎಲ್ಲರೂ ಡಯಟ್ ಅಥವಾ ಇತರ ಕಾರಣಗಳಿಂದಾಗಿ ಅನ್ನ ಆಧಾರಿತ ಪಾಕವಿಧಾನವನ್ನು ಹೊಂದಲು ಸಾಧ್ಯವಿಲ್ಲ. ಸೇಮಿಯಾ ಬಿರಿಯಾನಿಯ ಈ ಪಾಕವಿಧಾನವು ಬಿರಿಯಾನಿಯ ಹಂಬಲವನ್ನು ಪೂರೈಸುತ್ತದೆ ಮತ್ತು ಅನ್ನದ ಕಾರ್ಬ್ಸ್ ನಿಂದ ತಪ್ಪಿಸುತ್ತದೆ.

ನಾನು ಯಾವಾಗಲೂ ಬಿರಿಯಾನಿ ಪಾಕವಿಧಾನಗಳ ಅಪಾರ ಅಭಿಮಾನಿಯಾಗಿದ್ದೇನೆ ಮತ್ತು ನನ್ನ ಸ್ನೇಹಿತರು ಮತ್ತು ಕುಟುಂಬಕ್ಕೆ ಬಿರಿಯಾನಿ ಅಡುಗೆ ಮಾಡಿ ಬಡಿಸಲು ನಾನು ವೈಯಕ್ತಿಕವಾಗಿ ಇಷ್ಟಪಡುತ್ತೇನೆ. ಆದ್ದರಿಂದ ನಾನು ಯಾವಾಗಲೂ ಅದನ್ನು ತಯಾರಿಸುವ ಹೊಸ ಮಾರ್ಪಾಡುಗಳನ್ನು ಹುಡುಕುತ್ತಲೇ ಇರುತ್ತೇನೆ. ನಾನು ಹೀಗೇ, ನಿರಂತರವಾಗಿ ಅನ್ವೇಷಿಸುತ್ತಿರುವಾಗ, ನನ್ನ ಸ್ಥಳದ ಸಮೀಪದಲ್ಲಿ ತೆರೆಯಲಾದ ಹೊಸ ಭಾರತೀಯ ರೆಸ್ಟೋರೆಂಟ್‌ನಿಂದ ಸೇಮಿಯಾ ಬಿರಿಯಾನಿ ಪಾಕವಿಧಾನದ ಈ ಅದ್ಭುತ ಕಲ್ಪನೆಯನ್ನು ನಾನು ಪಡೆದುಕೊಂಡೆ. ಆ ರೆಸ್ಟೋರೆಂಟ್‌ನಲ್ಲಿ ನಾನು ಇದರ ರುಚಿ ಸವಿಯದಿದ್ದರೂ, ಇದರ ಪರಿಕಲ್ಪನೆಯು ನನಗೆ ಇಷ್ಟವಾಯಿತು. ಅಲ್ಲಿ ಅವಲಕ್ಕಿ ಮತ್ತು ರವೇ ಬಿರಿಯಾನಿ ಕೂಡ ತಯಾರಿಸುತ್ತಾರೆ. ಇದನ್ನು ನನ್ನ ಮುಂದಿನ ವೀಡಿಯೊಗಳಲ್ಲಿ ತೋರಿಸುವ ಯೋಜನೆ ಹಾಕಿಕೊಂಡಿದ್ದೇನೆ. ಇದನ್ನು ನನ್ನ ಬೆಳಗ್ಗಿನ ಉಪಾಹಾರಕ್ಕಾಗಿ ತಯಾರಿಸಲು ಯೋಚಿಸುತ್ತಿದ್ದೆ, ಆದರೆ ಇದು ಮಧ್ಯಾಹ್ನ ಊಟದ ಡಬ್ಬದ ಪಾಕವಿಧಾನ ಎಂದು ನಾನು ಶೀಘ್ರದಲ್ಲೇ ಅರಿತುಕೊಂಡೆ.

ಸೇಮಿಯಾ ಬಿರಿಯಾನಿ ಪಾಕವಿಧಾನಕ್ಕೆ ಕೆಲವು ಸುಲಭ ಹಾಗೂ ಪ್ರಮುಖ ಸಲಹೆಗಳನ್ನು ನೀಡಲು ಬಯಸುತ್ತೇನೆ. ಮೊದಲನೆಯದಾಗಿ, ನೀವು ಬಿರಿಯಾನಿಯನ್ನು ತಯಾರಿಸುವ ಮೊದಲು ಸೇಮಿಯಾವನ್ನು ಹುರಿಯಲು ಖಚಿತಪಡಿಸಿಕೊಳ್ಳಿ. ಗ್ರೇವಿಯೊಂದಿಗೆ ಬೆರೆಸುವ ಮೊದಲು ಸೇಮಿಯಾ ತಣ್ಣಗಾಗಬೇಕು. ವರ್ಮಿಸೆಲ್ಲಿಯನ್ನು ಗ್ರೇವಿಗೆ ಸೇರಿಸಿದ ನಂತರ ಅದು ಬೇಯಲು ಕೇವಲ 4-5 ನಿಮಿಷಗಳು ಬೇಕಾಗುತ್ತವೆ. ಆದ್ದರಿಂದ ಅದಕ್ಕೆ ತಕ್ಕಂತೆ ಯೋಜಿಸಿ. ಎರಡನೆಯದಾಗಿ, ಈ ಪಾಕವಿಧಾನಕ್ಕಾಗಿ ಬಳಸುವ ತರಕಾರಿಗಳ ಗಾತ್ರವನ್ನು ಕಡಿಮೆ ಮಾಡಬೇಕಾಗುತ್ತದೆ. ಆದರೇ, ಅಕ್ಕಿ ಆಧಾರಿತ ಬಿರಿಯಾನಿಯಲ್ಲಿ, ತರಕಾರಿಗಳನ್ನು ದೊಡ್ಡ ಗಾತ್ರದಲ್ಲಿ ಕತ್ತರಿಸಲಾಗುತ್ತದೆ. ಕೊನೆಯದಾಗಿ, ನೀವು ಈ ಪಾಕವಿಧಾನವನ್ನು ದಮ್ ಶೈಲಿಯ ಮೂಲಕ ಬೇಯಿಸಲು ಸಹ ಪ್ರಯತ್ನಿಸಬಹುದು. ನೀವು ವರ್ಮಿಸೆಲ್ಲಿಯನ್ನು ಪ್ರತ್ಯೇಕವಾಗಿ ಬೇಯಿಸಿ, ಗ್ರೇವಿ ಸಿದ್ಧವಾದ ನಂತರ ಅದನ್ನು ಲೇಯರ್ ಮಾಡಬಹುದು.

ಅಂತಿಮವಾಗಿ, ಸೇಮಿಯಾ ಬಿರಿಯಾನಿ ಪಾಕವಿಧಾನದ ಈ ಪೋಸ್ಟ್‌ನೊಂದಿಗೆ ನನ್ನ ಇತರ ಬೆಳಗಿನ ಉಪಾಹಾರ ಪಾಕವಿಧಾನಗಳ ಸಂಗ್ರಹಕ್ಕೆ ಭೇಟಿ ನೀಡುವಂತೆ ನಾನು ವಿನಂತಿಸುತ್ತೇನೆ. ಇದು ಸೇಮಿಯಾ ಪುಲಾವ್, ಸೇಮಿಯಾ ಉಪ್ಮಾ, ರವೆ ಪೊಂಗಲ್, ರವೆ ಉಪ್ಮಾ, ರವೆ ದೋಸೆ, ಓಟ್ಸ್ ಉಪ್ಮಾ, ಓಟ್ಸ್ ದೋಸೆ ಮತ್ತು ಓಟ್ಸ್ ಖಿಚ್ಡಿ ಪಾಕವಿಧಾನದಂತಹ ಪಾಕವಿಧಾನಗಳನ್ನು ಒಳಗೊಂಡಿದೆ. ಹೆಚ್ಚುವರಿಯಾಗಿ, ನನ್ನ ಇತರ ಸಂಬಂಧಿತ ಮತ್ತು ಜನಪ್ರಿಯ ಪಾಕವಿಧಾನಗಳ ಸಂಗ್ರಹಕ್ಕೆ ಭೇಟಿ ನೀಡಿ,

• ಆರಂಭಿಕ ತಿಂಡಿಗಳು
• ಅಡುಗೆ ಸಲಹೆಗಳು ತಂತ್ರಗಳು ವಿಧಾನಗಳು
• ಮಧ್ಯಾಹ್ನಾದ ಊಟ ಕಲ್ಪನೆಗಳು ಅಥವಾ ಥಾಲಿ

ಸೇಮಿಯಾ ಬಿರಿಯಾನಿ ವಿಡಿಯೋ ಪಾಕವಿಧಾನ:

ಸೇಮಿಯಾ ಬಿರಿಯಾನಿ ಪಾಕವಿಧಾನ ಕಾರ್ಡ್:

ಹಂತ ಹಂತದ ಫೋಟೋದೊಂದಿಗೆ ವರ್ಮಿಸೆಲ್ಲಿ ಬಿರಿಯಾನಿ ಮಾಡುವುದು ಹೇಗೆ:

1. ಮೊದಲನೆಯದಾಗಿ, ತವಾದಲ್ಲಿ 1 ಟೀಸ್ಪೂನ್ ತುಪ್ಪವನ್ನು ಬಿಸಿ ಮಾಡಿ 1 ಕಪ್ ವರ್ಮಿಸೆಲ್ಲಿಯನ್ನು ಹುರಿಯಿರಿ.
   
2. ಸೇಮಿಯಾ ಗೋಲ್ಡನ್ ಬ್ರೌನ್ ಆಗುವವರೆಗೆ ಕಡಿಮೆ ಉರಿಯಲ್ಲಿ ಹುರಿಯಿರಿ. ನಂತರ ಪಕ್ಕಕ್ಕೆ ಇರಿಸಿ.
   
3. ದೊಡ್ಡ ಕಡಾಯಿಯಲ್ಲಿ 1 ಟೀಸ್ಪೂನ್ ತುಪ್ಪ ಮತ್ತು 1 ಬೇ ಎಲೆ, 1 ಇಂಚಿನ ದಾಲ್ಚಿನ್ನಿ, 1 ಸ್ಟಾರ್ ಸೋಂಪು, 3 ಲವಂಗ, 2 ಪಾಡ್ ಏಲಕ್ಕಿ ಮತ್ತು 1 ಟೀಸ್ಪೂನ್ ಜೀರಿಗೆ ಹಾಕಿ.
   
4. ಈಗ 1 ಈರುಳ್ಳಿ, 1 ಮೆಣಸಿನಕಾಯಿ ಮತ್ತು ½ ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ.
   
5. ಈರುಳ್ಳಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಸಾಟ್ ಮಾಡಿ.
   
6. 1 ಕ್ಯಾರೆಟ್, 10 ಫ್ಲೋರೆಟ್ಸ್ ಹೂಕೋಸು, 1 ಆಲೂಗಡ್ಡೆ, 2 ಟೀಸ್ಪೂನ್ ಬಟಾಣಿ, 5 ಬೀನ್ಸ್ ಸೇರಿಸಿ.
   
7. ¼ ಟೀಸ್ಪೂನ್ ಉಪ್ಪು ಸೇರಿಸಿ 2 ನಿಮಿಷ ಬೇಯಿಸಿ.
   
8. ಈಗ 2 ಟೀಸ್ಪೂನ್ ನೀರು ಸೇರಿಸಿ, 5 ನಿಮಿಷಗಳ ಕಾಲ ಅಥವಾ ತರಕಾರಿಗಳನ್ನು ಚೆನ್ನಾಗಿ ಬೇಯಿಸುವವರೆಗೆ ಮುಚ್ಚಿ ಇಡಿ.
   
9. ಜ್ವಾಲೆಯನ್ನು ಕಡಿಮೆ ಇರಿಸಿ, ¼ ಟೀಸ್ಪೂನ್ ಮೆಣಸಿನ ಪುಡಿ, ¼ ಟೀಸ್ಪೂನ್ ಅರಿಶಿನ, 1 ಟೀಸ್ಪೂನ್ ಬಿರಿಯಾನಿ ಮಸಾಲ ಮತ್ತು ½  ಟೀಸ್ಪೂನ್ ಉಪ್ಪು ಸೇರಿಸಿ.
   
10. ಮಸಾಲೆಗಳು ಪರಿಮಳ ಬರುವವರೆಗೆ ಸಾಟ್ ಮಾಡಿ.
    
11. ಇದಲ್ಲದೆ ¼ ಕಪ್ ಮೊಸರು, 2 ಟೀಸ್ಪೂನ್ ಪುದೀನ ಮತ್ತು 2 ಟೀಸ್ಪೂನ್ ಕೊತ್ತಂಬರಿ ಸೊಪ್ಪು ಸೇರಿಸಿ.
    
12. ಜ್ವಾಲೆಯನ್ನು ಕಡಿಮೆ ಇರಿಸಿ, ಮೊಸರು ಚೆನ್ನಾಗಿ ಸೇರಿಕೊಳ್ಳುವವರೆಗೆ ಸಾಟ್ ಮಾಡಿ.
    
13. 1¾ ಕಪ್ ನೀರು ಸೇರಿಸಿ ಮತ್ತು ಅದನ್ನು ಕುದಿಸಿ.
    
14. ಹಾಗೆಯೇ, ಹುರಿದ ಸೇಮಿಯಾವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನೀರು ಕುದಿದ ನಂತರವೇ ಸೇಮಿಯಾ ಸೇರಿಸಿ.
    
15. ನೀರನ್ನು ಮತ್ತೆ ಕುದಿಸಿ.
    
16. ಸೇಮಿಯಾವನ್ನು ಮುರಿಯದೆ ನಿಧಾನವಾಗಿ ಮಿಶ್ರಣ ಮಾಡಿ.
    
17. ಈಗ 5 ನಿಮಿಷಗಳ ಕಾಲ ಅಥವಾ ನೀರು ಹೀರಿಕೊಳ್ಳುವವರೆಗೆ ಮುಚ್ಚಿ ಇಡಿ. ಜ್ವಾಲೆಯನ್ನು ಆಫ್ ಮಾಡಿ, 10 ನಿಮಿಷಗಳ ಕಾಲ ವಿಶ್ರಮಿಸಲು ಬಿಡಿ.
    
18. ಅಂತಿಮವಾಗಿ, ರಾಯಿತಾದೊಂದಿಗೆ ಸೇಮಿಯಾ ಬಿರಿಯಾನಿ / ವರ್ಮಿಸೆಲ್ಲಿ ಬಿರಿಯಾನಿ ಆನಂದಿಸಿ.
    

ಟಿಪ್ಪಣಿಗಳು:

• ಮೊದಲನೆಯದಾಗಿ, ಹುರಿದ ವರ್ಮಿಸೆಲ್ಲಿಯನ್ನು ಬಳಸಿದರೆ, ನೀವು ಹುರಿಯುವ ಹಂತವನ್ನು ಬಿಟ್ಟುಬಿಡಬಹುದು. ಹುರಿಯುವುದರಿಂದ ಸೇಮಿಯಾವನ್ನು ಜಿಗುಟಾದಂತೆ ಮಾಡುತ್ತದೆ.
• ನಿಮ್ಮ ಆಯ್ಕೆಯ ಪ್ರಕಾರ ತರಕಾರಿಗಳನ್ನು ಸೇರಿಸಿ. ಹಾಗೆಯೇ, ಸೆಮಿಯಾವನ್ನು ಸೇರಿಸುವ ಮೊದಲು ಚೆನ್ನಾಗಿ ಬೇಯಿಸುವುದನ್ನು ಖಚಿತಪಡಿಸಿಕೊಳ್ಳಿ.
• ಹಾಗೆಯೇ, ಮೊಸರನ್ನು ಚೆನ್ನಾಗಿ ವಿಸ್ಕ್ ಮಾಡಿ ಇಲ್ಲದಿದ್ದರೆ ಮೊಸರು ಒಡೆಯುವ ಅವಕಾಶಗಳಿರುತ್ತವೆ.
• ಅಂತಿಮವಾಗಿ, ಮಸಾಲೆಯುಕ್ತವಾಗಿ ತಯಾರಿಸಿದಾಗ ಸೇಮಿಯಾ ಬಿರಿಯಾನಿ / ವರ್ಮಿಸೆಲ್ಲಿ ಬಿರಿಯಾನಿ ಪಾಕವಿಧಾನ ಉತ್ತಮ ರುಚಿ ನೀಡುತ್ತದೆ.